आज : पुरै दिन बत्ती आएको दिन
आज अचम्मै भयो । पुरै दिन बत्ती आयो । यस्तै सुनिन्थ्यो ललितपुरका बासिन्दाहरुको मुखबाट आज माघ १ गते । हजुर ललितपुरका मात्रै होइन हरेक ठाउँका बासिन्दाहरु यसरी नै खुशी भए त्यो पनि एकदिन लोडशेडिङ नभएकोले । हुन पनि बत्ती आयो र बत्ती बलेको देख्न पाइयो भने त दशै आएको जत्तिकै हुन्छ । धन्न आज अपराधिकरन(प्राधिकरण)लाई के धर्म गर्न मन लगेको रहेछ हाम्रोतिर त लोडशेडिङ गरिदिएन र त हाम्रो ब्लग अपडेट गर्न पाइयो नत्र त उही हो ब्लग अपडेट गर्न कि त शनिबार आउनु पर्थ्यो कि त सार्वजनिक बिदा हुनुपर्थ्यो । तर यसो हुँदा पनि लोडशेडिङले गर्दा एउटा लेख लेखेर पोस्टिङ् गर्न लाग्यो लोडशेडिङ भएर लेखेको पोस्ट सहितको मिहिनेत पनि गुमौनु पर्थ्यो । पैसा हुनेहरुले त laptop किनेर पनि नेटमा गर्नुपर्ने आफ्नो काम गर्थे तर आफ्नो भने उही p3/p4 computer मा नै चित्त बुझाउनु पर्ने भएकोले यस्तो भएको थियो ।
January 14, 2009 Posted in समाचार र बिचार BY Administrator
