मैले बुझेको टोपी

गिरिजाले छोड्न नहुने,
प्रचण्डले छुन नहुने, झलनाथले लाएनि हुने, नलाएनि हुने,
सूर्यबहादुरले लाउँनै पर्ने र शेरबहादुरले सिधा नलगाउने चीज हो टोपी।
सामन्तको सान, बुर्जुवाको वैकल्पिक र सर्वहाराको छुवाछुतमा छ टोपी
दौरसुरुवालको पर्यायवाची सर्ट्पैन्ट्को समलिगीँ र धोतीको विपरीतार्थी हो टोपी।
देउरालीको उकालीमा भारी बोक्दा पसीना पुछ्ने रुमाल हो टोपी
तराईका फाँटमा हलो जोत्दा पसीना ओभाउने पंखा हो टोपी
भावनामा बहकिँदा हिमालभन्दा अग्लो देखिने टोपी
राष्ट्रियतामा फराकिंदा समुन्द्रभन्दा फराकिलो देखिने टोपी
दशैंमा बाआमाको आशीर्वाद थाप्ने टोपी
तिहारमा चेलीबेटीबाट पाउने माया हो टोपी
नेपालीको सान गौरब हो टोपी !

(more…)

आफ्नो बुद्धिको निम्ति प्रसिद्ध मुल्ला दो पियाजाको एक छिमेकी झगडालु थियो । त्यो छिमेकीको एउटा कुकुर बिनाकारण भुकिरहन्थ्यो । आधारातको समयमा भुक्न त्यसलाई ज्यादै मन पर्थ्यो । मुल्ला दिनभरको कडा कामपछि शान्तिपूर्वक सुत्न चाहन्थ्यो, त्यसैले त्यो भुकाई मन पराउँदैनथ्यो ।

एक रात उ निकै अबेर घर फर्क्यो । यति थाकेको थियो उ कि तुरुन्तै सुत्न गयो । मध्यरातपछि छिमेकीको त्यो कुकुरको भुकाइले उ अचानक बिउँझियो । एकछिन त उसले आफ्नो रिस थापिरह्यो । तर, जब निरन्तरको त्यो भुकाई सहिरहन सकेन, उसले क्रोधावेशमा उठेर आफ्नो लठ्ठी लियो । त्यसपछि सीधै कुकुर भएको ठाउँमा गएर त्यसलाई मज्जाले पिट्न थाल्यो।
(more…)

शंकर अधीकारी "विवश"  

       सडकमा गाडीहरुको आवत-जावतमा केही ढिलासुस्तीझै महसुस भइराहेको थियो । केही पर एउटा व्यक्ती बौलाहा झै बिच सडकमा कराइरहेको थियो साथमा उसको हातमा एउटा थोत्रो पिस्तोल पनि थियो । बिच बिचमा कराउदै थियो :"कोही अगाडि नबढ मलाई रोक्ने प्रयास नगर, गरेमा शुट गरिदिन्छु ।" सम्पूर्ण मानिसहरु त्रसित मुद्रमा उसलाई र उसका उच्छ्रिङ्खल कृयाकलापलाई सडक छेउबाट हेरिरहेका थिए. गाडी चालकहरु डरले हात कमाउदै गाडी अगाडि बदाउने प्रयासमा थिए । यत्तिकैमा ऊ अचानक बिपरित दिशाबाट आएको ट्रकमा ठोक्किन पुग्यो र भुइमा उत्तानो परेर लड्यो ।

(more…)